Ite faghimus?
Maistra: Cuncordare paris una cosa de fàghere, pensare un'istrategia est cussu chi ant a chistionare sos protagonistas de custu diàlogu.
Lio: M'est arribbadu unu sms dae Luca. Ite nde naras de andare a bìdere su cuntzertu istanote?
Marisa: A mie sa mùsica rap mi praghet meda, nos lassant andare?
Lio: Cuncordada bene emmo. Forsis cumbinchimus a babbu a bènnere ca de giòvanu sonaiat in unu cumplessu musicale e sighit a s'interessare de mùsica.
Marisa: E mama tua benit?
Lio: Dipendet dae s'umore e si su tempus est bellu. Si benit est pro si fàghere un'essida.
Marisa: E Micheli? At a èssere in punitzione?
Lio: Si assentat totu e mama est cuntenta de comente l'at fatu. Si nono de seguru no lu faghet essire nessi pro custu sero.
Marisa: Pensas chi babbu tuo s'at a inchietare cando torrat?
Lio: Dipendet dae comente mama li presentat sa situatzione.
Marisa: Apo cumprèndidu. Tando andamus a bìdere it'est cumbinende Micheli...
Lio: Mi paret un'idea bona. Ma sena chi mama si nd'abbiget...