Istare male
Maistra: In custu diàlogu amus a intèndere una persone chi no istat bene e sas cunseguèntzias.
Micheli: Mi paret chi non m'intendo bene.
Marisa: Difatis tenes una cara unu pagu groga.
Lio: Ma no est chi as papadu tropu? Naras chi sa timbadda non ti praghet, ma apo già bidu chi ti nd'as ghetadu duas bortas e partes bellas puru!
Marisa: Bona fiat bona però. Cheres una tassa de abba?
Micheli: Difatis porto s'istòmagu unu pagu grae... nono gràtzias...
Lio: Firmu. Setze·ti o si tenes gana mala est mègius chi curres in gabinete!
Micheli: Mi paret pròpiu chi ando in gabinete! Nde depo torrare totu!
Lio: Non s'ischit mancu regulare. Est un'ispasderadu e a bortas esàgerat.
Marisa: Beh, su coghinare de mama tua est una tentatzione manna. Mi paret chi depo istare atenta deo puru.