Istare mègius
Maistra: Amus a intèndere a una persone chi est istada male, ma como s'intendet mègius.
Marisa: Comente istas como?
Micheli: Penso mègius, ma nche apo torradu s'ànima.
Lio: As bombitadu totu?
Micheli: Penso chi eja. Ma so ancora unu pagu istontonadu e mi girat unu pagu sa conca.
Marisa: Setze·ti e pàusa·ti unu pagu.
Lio: Ando a ti batire una tassa de abba.
Micheli: Ti torro gràtzias Lio. Como penso chi nde tèngio bisòngiu. Ispero chi mi fatzat bene.
Marisa: Eh, toca ca non ses morende. Càpitat a totus onni tantu de revessare. As a bìdere chi luego torras in sestu e ti benit unu pagu de apetitu puru.
Lio: Milla una tassa de abba cun unu pagu de tzùcaru. Bufa·ti·la a bellu a bellu.
Micheli: Bi cheriat de a beru, como isto mègius. Ti torro gràtzias.
Lio: De nudda, mi paret de cumprèndere chi ses torrende in bona!
Marisa: Est giai cambiadu su colore de sa cara e s'ispìritu est torrende a essire.