It'est capitadu?
Maistra: In custa letzione bidimus comente si pregontat de unu fatu chi est capitadu e comente si dant ispricatziones.
Micheli: Ma mama non s'est abbigiada de cussu chi apo fatu?
Lio: Forsis ancora nono, no l'amus bida ne intèndida dae cando amus isparitzadu.
Lughia: Apo intèndidu trambustu como como. Chie est istadu?
Micheli: Deo apo tentu gana mala e nd'apo torradu su gustu. Ma como m'est passadu.
Lughia: Oi Micheli! E no est sa prima borta! Ti l'apo naradu de no esagerare cun sa timbadda! Iscummito chi est istada cussa.
Micheli: Podet èssere. Mi dispraghet meda, sa pròssima borta lea·mi·nche su pratu.
Lio: La' chi ses curiosu! E tue non ti podes frenare?
Lughia: O Lio, tue puru cando fias pitica ti faghias tentare e ti est capitada sa matessi cosa...
Micheli: Ma sa tentatzione de cummentare sas chistiones de sos àteros no l'at pèrdida de seguru!