Pedire iscusa
Maistra: Pedire perdonu pro una cosa fata e bogare iscusas pro su chi est sutzèdidu est su tema de custa chistionada.
Micheli: Ti pedo perdonu mama. As a bìdere chi no lu fatzo prus!
Lughia: Amus a bìdere. Nara·mi in ue est capitadu su dannu.
Micheli: In su gabinete piticu, ma est totu a postu.
Lughia: L'apo a crèere oe. Ando a l'abbaidare.
Micheli: Ehm, ma non podes intrare...
Lughia: E pro ite?
Micheli: Ca apo afriscadu sa ghenna.
Lughia: Duncas m'as naradu una fàula, no est totu a postu, beru?
Micheli: Beh, in pràtica emmo ma fia unu pagu impressidu e apo lassadu unu pagu in disòrdine, ma già l'assento deo... como non isto bene...
Lughia: Agabba·la de fàghere sos giros tuos e dae·mi sa crae!
Micheli: Mi depes iscusare, ma apo bortuladu sa broca cun sos frores sicos in s'intrada... e non tenia su coràgiu de ti lu nàrrere...
Lio: Sa broca de giaja! Tzessu! Como sunt guai.