Fàghere merenda
Maistra: No esistit unu faeddu in sardu pro nàrrere "merenda". Duncas custu est unu esèmpiu de faeddu nou (neologismu) intradu in sa limba. Non si podet impreare "ispuntinu" ca in sardu est prus impegnativu de merenda.
Lughia: Bravu Micheli, apo bidu chi l'as assentadu bene su logu. Cherides fàghere merenda como?
Micheli: Eja. M'est torradu s'apetitu.
Lughia: Apo fatu una turta bella. E apo preparadu fintzas su the.
Marisa: Gràtzias meda segnora Lughia. Vostè est tropu gentile. A mie mi praghet meda su the.
Lio: Ih... Sa turta de nutzola as fatu mama?
Lughia: Eja. E sas galletas puru.
Lio: Ite bos apo naradu? Est torrada in bonas.
Lughia: Lio agiua·mi a serbire pro praghere.
Marisa: Potzo agiuare deo puru? In ue sunt su limone e su late?
Micheli: Millu su limone e su late.
Marisa: Ah... gràtzias
Lio: Calicunu cheret late o limone?
Micheli: Limone gràtzias. Mama pro praghere mi passas su tzùcaru?
Lughia: Emmo, fìgiu meu, leh.
Marisa: A mie mi praghet cun un'istìddiu de late, e sena tzùcaru.
Lio: Assagiades una fita de turta? Hmm... ite fragu bellu de nutzola turrada chi tenet!