In ue est?
Maistra: Amus a bìdere comente si pedint informatziones de un'eventu, su logu, s'oràriu e cantu depet durare.
Lio: Oh ma', a podimus andare a bidere su cuntzertu?
Lughia: A it'ora est?
Lio: Incumintzant a sas deghe.
Lughia: E cantu durat?
Lio: Nessi duas oras. Sunt duos grupos: unu rap e unu rock.
Lughia: Mi paret chi ses acurtziende sos tempos... Ca custa est cosa chi si faghet nessi in tres oras. Nara, e in ue l'ant postu su palcu?
Lio: In Funtana ditzosa, pagu foras de bidda. In s'istradone essende pro Macumere. Abarrat a costados de su campu isportivu.
Lughia: Funtana ditzosa? Mai intèndida l'apo deo!
Micheli: Est s'àrea pic-nic chi su Sìndigu at inauguradu a sa fine de s'iscola. Già fiat pagu intonadu!
Lughia: Ma cussa est "Sas codinas"! E dae ue l'ant bogadu custu nùmene?
Marisa: Mancari l'ant cambiadu ca paret prus "turìsticu".
Lio: No importat, o ma'. Podimus andare? Emmo o nono?
Lughia: Nde chistiono cun babbu tuo cando torrat.