S'addòbiu
Maistra: Luca e Mateu s'addòbiant in una carrera de sa bidda e a pustis agatant a Lionora e a s'amiga sua Marisa.
Luca: E bae, salude Mateu!
Mateu: Oh Luca, in giru ses? Ite novas?
Luca: Totu a postu, e tue?
Mateu: Totu bene, gràtzias. Bella sa partida eris eh?!
Luca: Oh, non mi nde chistiones... Pitica sa surra chi nos ant dadu!
Mateu: Ah, mancu male chi custa borta sa neghe non fiat de s'àrbitru...
Luca: Beh, no incumintzes tue puru como eh!...
Lio: Salude pitzocos!
Mateu: La' Lio! Passigende?
Lio: Ello. Bos presento un'amiga mea: Marisa. Marisa, issu est Mateu.
Mateu: Praghere.
Marisa: Praghere meu.
Lio: Marisa, issu est Luca.
Luca: Praghere.
Marisa: Praghere.
Micheli: Mi' chi si narant puru Pistocu e Chibudda!
Luca: Disgratziadu! Comente ti permites!
Mateu: Nd'aprofitas ca ses cun sorre tua... Ungrullu!
Lio: Oh, lassa·lu istare! Già lu connoschides... Marisa est arribbada oe e est acasagiada in domo mea pro tres chidas. Como li so faghende bìdere unu pagu sa bidda.
Luca: Si cherides bos podimus fàghere cumpangia.
Marisa: Andat bene, toca ca andamus?