Fàghere sos annos
Maistra: In custu diàlogu amus a intèndere annuntziende sa die chi unu faghet sos annos, e amus a bìdere comente iscrìere messàgios e dèdicas de augùrios.
Lio: O Micheli, facebook m'at ammentadu ca oe faghet sos annos fradile nostru. Mi nde fia ismentigada!
Micheli: E chie? Gaine o Frantziscu?
Lio: Gaine. Faghet sèighi annos.
Micheli: Li mandamus unu messàgiu de augùrios?
Lio: Faghe·lu dae su telefoneddu tuo, deo giai l'apo fatu in facebook e m'at torradu isceda puru.
Micheli: E ite iscrio?
Marisa: Nde bastat unu simpre meda: "A chent'annos fradile meu. Augùrios mannos. Micheli".
Lio: M'at naradu chi notesta benit a su cuntzertu e cumbidat a totus.
Micheli: Ma non tenimus regalu de li dare!
Lio: Li podimus regalare unu libru chi m'apo comporadu s'àtera die in Aristanis. Est unu gènere chi li praghet meda. Non faghet nudda. Deo mi lu torro a comporare.
Micheli: Li faghimus una dèdica in duos?
Lio: Emmo, ma tue mi torras bator èuros ca l'apo pagadu cun dinare meu.
Micheli: Ih, già ses pagu restiga! Faghimus duos ca tue ti l'as giai lèghidu!
Lio: Millu! Su boe narat corrudu a s'àinu!