In sos tempos colados
Maistra: Amus a intèndere faeddende de sos tempos colados, de sos ammentos de gioventude e de ispàssiu paris cun sos amigos.
Marisa: Tziu Giuanne, coment'est chi a bois bos praghet meda sa mùsica moderna?
Giuanne: A mie praghet totu sa mùsica. Beh, casi totu.
Marisa: Mugere sua m'at naradu chi sonaiat unu grupu dae giòvanu.
Giuanne: Eja, "Sos Bonetes" si naraiat. No est istada mai una cosa sèria. Amus incumintzadu pro brulla faghende sa contra a sos "Barritas". Nos semus ispassiados meda. Amus sonadu in totus sas festas de sas biddas de sa cussòrgia.
Marisa: Ite istrumentu sonades bois?
Giuanne: Deo sono sa chiterra elètrica. Ma onni tantu m'ispassiaia puru cun sa bateria.
Marisa: E como non sonat prus?
Giuanne: Furriamus paris e istruveddamus carchi sonada, ma prus che àteru est pro colare paris carchi ora in amigàntzia. Finit semper cun una un'ispuntinu, pichetada.
Lughia: Lassa·lu istare Marisa ca si nono como li benit sa tristura. Sa chena est pronta, mandigamus in coghina.