Un'arresonada
Maistra: In custa arresonada de sos mannos amus a intèndere faeddende de cosas de fàghere de promissas de cumprire.
Lughia: Fia pensende maridu meu, cando ti las leas sas ferias?
Giuanne: Eh ocannu non mi nd'at abarradu meda Pro sa coja in terramanna de sorrastra tua e su biàgiu chi amus fatu a Pasca Manna in Frantza si nche sunt andadas paritzas. Duas chidas pro mesaustu, una chida pro Pasca de nadale e sunt totus ispatzadas.
Lughia: Ma non ti nd'abarrat nudda nudda pro carchi gita in custas dies chi b'est Marisa?
Giuanne: Depo controllare si m'abarrat carchi ora de permissu.
Lughia: Est de aprofitare de su fatu ca como b'at pagu gente in giru e sos prètzios sunt prus bassos.
Giuanne: Deo puru prefèrgio custas dies longas, cun pagu basca e sena sas cambaradas de turistas istichidos in onni logu.
Lughia: Giuanne... est dae ora chi amus promìtidu a sos pitzocos unu giru in S'Alighera e Istentinas.
Giuanne: Tenes resone. E si non m'ammento male finas una die a sos giogos de abba.
Lughia: T'ammentas bene e issos puru non si nde sunt ismentigados.