Letzione N.28
Sos augùrios

Maistra: Augùrios pro sos annos cumpridos, retzire unu regalu e fàghere unu cumbidu est su chi amus a bìdere in custa unidade.

Gaine: Oh!
Giuanne: Oh Gaine!
Gaine: Salude Tziu Giuanne!
Giuanne: Salude, e ite novas tenes?
Gaine: Oh, Tzia Lughia e fradiles meos!
Giuanne: A chent'annos Gaine! Òmine ti ses faghende! Atzidente a ratza de giòvanu!
Lughia: Augùrios mannos nebode meu. A chent'annos cun salude!
Sos àteros: Norabonas Gaine! A nde cumprire àteros chentu!
Gaine: Gràtzias a totus! Ite bos potzo cumbidare?
Lio: Augùrios bellos Gaine. Unu regaleddu dae parte mea e de Micheli.
Gaine: Uh, ite regalu bellu! Custu mi praghet meda!
Sos àteros: Bufamus a sa salude de Gaine! Augùrios Gaine.
Gaine: Biva! Custu est su giru meu!