Sa dispedida
Maistra: In custu diàlogu amus a intèndere chistionende de sos programmas pro sa die chi benit e sos saludos de sa bona note.
Luca: Oh pitzocos, s'est fatu tardu! Sunt sas tres.
Mateu: Beh, ma amus passadu unu bellu seranu. Bella sa mùsica e bella sa cumpangia.
Marisa: Est sa prima die chi so inoghe e istada prena prena. So gasi istraca chi non isto in pees.
Lio: Deo cras cheria andare a mare. Depo pregontare su permissu a sos mannos, ma penso chi non b'at problema.
Meteu: Benit frade tuo iscummito?
Lio: Craru!
Luca: Passèntzia! Deo penso de mi nde pesare a mesudie. Ma a borta de die si nde podet chistionare.
Mateu: Si non m'ammento male su postale colat in pratza de crèsia a sas tres e nde torrat dae mare a sas oto.
Marisa: Beh pitzocos, deo mi nch'ando a corcare. Bona note!
Lio: Non ti lasso andare a sa sola! Bona note pitzocos!
Mateu e Luca: Bona note e bisos bellos. Nos bidimus cras.