Sa famìllia
Maistra: In custa letziones as a imparare comente si narant sos elementos de sa famìllia e ite faghent de traballu.
Mateu: Ite traballu faghent sos mannos tuos?
Marisa: Babbu traballat che a consulente pro aziendas internatzionales e mama faghet letziones privadas de inglesu, tradutziones e a bortas agiuat a babbu puru.
Luca: E comente mai seis torrados a Sardigna?
Marisa: Beh, sa parte manna de su traballu de babbu si faghet cun Internet. A bortas partit pro addòbios in sos logos prus istranos de su mundu, ma meda de cussos puru si faghent in vìdeu-cunferèntzia. Est semper cravadu in su computer.
Luca: Ite cosa bella! Su bisu meu!
Marisa: In prus totu sos parentes meos istant in Sardigna. Sos mannois meos, tzios e fradiles istant totus inoghe.
Lio: Sos mannois? Ite cheret nàrrere?
Mateu: Nois naramus giajos. E bisàgios pro sos babbos de sos giajos.