Ite istùdias?
Maistra: Amus a bìdere comente si pregontat a sa persone de cale iscola est, ma cun carchi variante a su tema e in manera pagu formale ca sunt giòvanos chi chistionant paris.
Marisa: Bois ite istudiades? In cale iscola seis?
Micheli: Issos? Collidores de curcurigas sunt!
Luca: Marranu! T'amus a iscurcurigare nois si non ti càllias mudu!
Micheli: Marranu ses tue!
Lio: Micheli agabba·la pro praghere si nono ti nde torras a domo!
Mateu: Deo istùdio in su Litzeu Iscientìficu e Luca frecuentat s'Istitutu Tècnicu Industriale.
Marisa: In Macumere seis?
Luca: Eja, leamus su postale cada die. Ma nois in giru in Macumere non t'amus mai bista...
Micheli: Est craru, ca issa intrat a iscola!
Lio: Micheli! Agabba·mi·la! Ma ite tenes oe?
Luca: Ungrullos in conca tenet!
Micheli: Su puddighinu at cantadu! Mi nde torro a domo!
Mateu: Ma semper gasi est frade tuo?
Lio: Nono, cando est in domo est trancuillu, mancu s'intendet.