Sas abitùdines
Maistra: Marisa e Lionora chistionant de sas abitùdines de sas famìllias issoro pro su chi pertocat su màndigu.
Lio: Tocat a cuitare ca a s'una depimus èssere in sa mesa.
Marisa: Ma... papades semper totu paris in famìllia?
Lio: Nono, pro gustare babbu no est cun nois ca traballat foras e tenet oràrios diversos dae sos nostros. Però pro sa chena bi semus totus. E puru in sas vacàntzias mandigamus totu paris. E tue?
Marisa: Babbu e mama non tenent problemas a m'isetare cando torro dae iscola. Fintzas s'ismurzu lu faghimus paris.
Lio: In domo mea pro s'ismurzu onniunu est pro contu suo ca tenimus totus oràrios diferentes su mangianu.
Marisa: S'ismurzu in domo mea est una cosa sèria, a s'europea, ma su gustu est una cosa lèbia.
Lio: Micheli in domo ses?
Micheli: Eja! E a manos sabunadas puru!