Su màndigu
Maistra: In custa letzione s'at a faeddare de ite b'at a gustare e de sas cosas chi praghent o non praghent.
Lio: Ite at aprontadu mama oe?
Micheli: Oe est che a die de festa in onore de Marisa: culurgiones, petza bùula arrustu cun patata e timbadda pro su durche.
Marisa: Oh, ma deo non so abituada a gustare gasi!
Lio: Totu cosa bona! Non depimus nemmancu istudiare a pustis! Nos la leamus cun calma.
Marisa: A mie mi praghet tropu sa timbadda! A babbu no l'agradat meda e mama no la faghet mai.
Lio: Sos culurgiones de regotu cun bagna de tomata frisca e casu gratadu est s'ispetzialidade de mama. E est su pratu meu preferidu.
Micheli: Deo prefèrgio sa seada a sa timbadda, ma forsis a mama oe est arribbada carchi imposta...
Lio: Tocade chi est giai s'una mancu chimbe e mi paret chi apo intèndidu sa màchina de babbu arribbende.
Lughia: Intendo boghes, ma non bido a niunu in sa mesa! Est s'una e babbu bostru est arribbadu.