In domo
Maistra: Sos protagonistas ant a faeddare de sos logos de sa domo e comente si dant indicatziones.
Lio: Intras tue in bagnu in antis?
Marisa: In ue est?
Lio: Pigas in s'iscala, faghes su passadissu e a metade b'at una ghenna cun bidru a manu manca. Intras in cue. Non b'at de s'isballiare.
Marisa: Gràtzias medas, e tue non pigas cun megus?
Lio: Nono, so pensende chi pro fàghere in presse ando a su bagnu de servìtziu. Nos bidimus deretu in s'aposentu de pràndere chi est sa prima ghenna a manu dereta a pustis de sa coghina. Già l'atzapas sena problemas.
Marisa: Tenides una domo manna de a beru e mi depo abituare ancora.
Micheli: Si ti perdes bèngio deo a ti chircare.
Lio: Toca o muconosu, pensa pro tene.
Micheli: Como mancu su galantòmine potzo fàghere in domo mea?
Lio: E bae, ma ite ti ses postu in conca oe?
Micheli: Oi, ses comente sos amigos tuos!