Presentada
Sa limba faeddada
Su contu e su chistionu
Sa diferèntzia manna intre monòlogu e diàlogu est chi in su diàlogu b'at totu una variedade de isfumaduras diferentes chi in su monòlogu non podent èssere rapresentadas. Mentras su monòlogu, o unu contu pro nàrrere, solet èssere uniforme, in su chistionu tenimus interietziones e modos de nàrrere chi abbivant s'allega.
In s'esèmpiu chi sighit - unu cartone animadu in limba originale, ma cun faeddos iscritos in sardu - amus a bìdere e intèndere diàlogos e contados impare. Notades sas diferèntzias.
Su gatu supertitziosuIn su cartone animadu su sardu est istadu impreadu pro traduere dae sa limba inglesa. Ammentade·bos chi sa limba sarda est una limba moderna e chi bi sunt medas òperas literàrias - fintzas internatzionales - iscritas e bortadas in sardu.
Nde podides iscarrigare de badas dae su situ de sa Regione Autònoma de sa Sardigna. Labae sos ligòngios:
òperas originales
òperas clàssicas traduidas
Sa limba iscrita
S'atzentu
S'atzentu gràficu in sardu est semper grae e cheret marcadu in sas vocales in ue ruet s'atzentu tònicu, francu in sa penùrtima. Pro nàrrere:
mannu fìgiu vostè àudiu