Presentada
Maistra: Salude a totus! In sas unidades chi benint as a intèndere sa limba sarda faeddada in situatziones che a sas chi càpitant onni die. Giòvanos e mannos, òmines e fèminas, chi chistionant paris de fatos e acontèssidas chi podent capitare a totus.
Sas chistionadas sunt acumpangiadas dae letziones de grammàtica e esertzìtzios pro una cumprensione prus funduda de sa limba. Sos testos sunt iscritos cun una grafia normalizada chi rispetat sas règulas prus comunas impreadas pro su sardu. Podet capitare chi sa limba iscrita e cussa faeddada tenet carchi diferèntzia, ma est inevitàbile pro una limba naturale che su sardu.
Sas unidades sighint una percursu lògicu e contant unu contadu de vida normale, ma onni letzione est fintzas cumprida e si podet ascurtare a sa sola.
Bonu biàgiu a intro de sa limba sarda tando e ammentade·bos ca sa manera mègius de imparare e gosare de una limba est chistionende·la!