Letzione N.24
Ite cheret nàrrere

Pro + infinidu

S'istrutura pro+infinidu si usat pro pedire informatziones

Pro andare a Abbasanta in ue depo colare?

S'artìculu determinativu, segundu s'ocasione, podet tènnere sa funtzione de pronùmene

Sos chi apo comporadu non mi praghent, prefèrgio custos

Sas relativas

Sas propositziones relativas cumpletant o crarint su significadu de un'elementu de sa propositzione printzipale cun avèrbiu o pronùmene relativu. Sunt de duas genias: esplìtzitas e implìtzitas

Esplìtzitas

avèrbiu/pronùmene relativu+indicativu/congiuntivu/cunditzionale

Tenet unu pipiu chi est semper pranghende
Custa est sa domo in ue/chi so nàschidu
Apo semper tratadu bene a chie si siat chi m'apas presentadu
Faghet dannu a ue si siat chi andet

Implìtzitas

de+infinidu
gerùndiu
partitzìpiu passadu

Est una partida de bìnchere
Apo intèndidu canes apeddende
Apo mandigadu sa petza arrustida dae babbu tuo

Su pronùmene indefinidu

Inditant a calicunu o carchi cosa in manera indeterminada

unu, ognunu, nemos, calicunu, àtere, chie si siat, cale si siat, totu, nudda.


Esertzìtzios

Elìmina su sèberu isballiadu pro cumpletare sa frase : “Sunt acontzende s'iscola ...”

in cue apo istudiadu
chi apo istudiadu
in ue apo istudiadu